Work Text:
“‘Eto, libreng sabaw,” maingat na inilagay ng kahero ang bowl ng sabaw sa tray ni Dainsleif, “Singkwenta (50) pesos total mo.”
“Thanks po, kuya,” sabi ni Dainsleif sabay kuha ng pera sa kanyang bulsa, “heto po, saktong fifty (50).”
Sumunod kay Dainsleif ay ang kanyang matalik na kaibigang si Halfdan. Nauna nang pumasok si Dainsleif para maghanap ng upuan sa loob ng karinderya, habang naiwan namang mag-isa si Halfdan sa kahero at naghihintay ng libreng sabaw.
“Sesenta (60) pesos naman ‘yung sa’yo.” Sabi ng kahero kay Halfdan.
“Se- magkano ho ‘yun ulit?” Tanong ni Halfdan dahil hindi siya sanay sa pagbilang gamit ang sistemang Kastila. “At wala po ba akong libreng sabaw?”
“Sixty (60) pesos, tsaka naubos na ‘yung libreng sabaw. Last na ‘yung kanina.” Sagot ng kahero noong tumingin ito kay Halfdan.
“Eh, ubos na?! ‘Yun pa naman habol ko dito… heto po oh, sixty (60)...” Nagsihalo-halo ang reaksyon ni Halfdan nang malaman nitong wala nang libreng sabaw. Dinala niya ang tray paloob ng karinderya at umupo sa puwestong katabi ni Dainsleif.
“Oh, napatagal ka ah,” tumingin kay Halfdan si Dainsleif, “anyare?”
“‘Di ako binigyan ng libreng sabaw…” sagot ni Halfdan nang malumanay. “Sana ‘yung sinigang na lang binili ko, ngayon ang haba-haba na ng pila.”
“Sa’yo na lang ‘to,” inabot ni Dainsleif kay Halfdan ang kanyang sabaw, “‘di ko pa binawasan. Kawawa ka naman.”
Habang kinuha ni Halfdan ang sabaw, nakatingin siya sa baba dahil nagpapasalamat siya at humihingi ng paumanhin kay Dainsleif. Hindi niya alam na si Dainsleif pala ay pasikretong ngumingisi habang hindi siya nakatingin.
“Thank you talaga, Dain! Hulog ka ng langit!” Ungol ni Halfdan, masiyahing-masiyahin hanggang sa nakita nitong itim ang sabaw. “Huh? Ba’t itim ‘yung sabaw?”
“Dinuguan ‘yung libreng sabaw nila ngayon,” tugon ni Dainsleif sabay ngisi, “‘di mo kasi tinitignan, hahaha.”
“Dain!” Iyak ni Halfdan. “Alam mo namang ‘di ako kumakain neto! Amp bruh!”
“Hahahahaha,” patuloy na tawa ni Dainsleif, sabay lagay ng kamay sa sariling pisngi, “cute mo pre, hahahahaha.”
“!!!” Nataranta si Halfdan sa narinig niya. Biglang pumula ang kanyang mga pisngi, nagmistulang mataas ang lagnat. Napansin ito agad ni Dainsleif, na saka namang inabot ang kamay sa noo ni Halfdan.
“May lagnat ka ba?” Tanong ni Dainsleif kay Halfdan, na lalo namang pumula nang hinawakan.
“Yay, biga,” may nagsalitang isang babae sa likod nilang nakaupo, umiikot ang mga mata sa selos at inis, “maawa naman kayo sa mga single d‘yan, tangina.”
“Gusto mo reto kita, Lumine?” Umikot si Dainsleif sa babaeng tinawag niyang si Lumine. “Marami akong kakilala, baka gusto mo.”
“Pass, walang kwenta ‘yung harem mo,” sambit ni Lumine kay Dainsleif, “iba hanap ko.”
“Anong harem?” Pikit-mulat ang mga mata ni Halfdan, nalilito sa pinagsasabi ni Lumine. “Akala ko ba ako lang, Dain?”
“Baliw ka talaga, Lumine,” komento ni Dainsleif, at umikot siya kay Halfdan pagkatapos, sabay haplos sa mukha ng kanyang katabi, “ikaw lang, Halfdan, walang iba.”
“Ahhhhh cringe umay!” Tinakpan ni Lumine ang sariling mga mata upang hindi makita ang nangyayari sa dalawa. “Bawal PDA!”
“Joke lang, kayo ha, hahahahahahahaha,” at ulit namang tumawa si Dainsleif, “hahahahaha, hitsura n’yo!”
“P’wede n’yo po ba ibaba mga boses n’yo? Nakakadistorbo na po kayo.” Sabi ng lalaking tatlong mesa ang layo kina Dainsleif at Halfdan. Ang lalaking ito ay si Albedo, na kasama ang kanyang kaklaseng si Sucrose.
“Ikaw talaga ‘yan, Lumine. Wala kaming kinalaman d’yan ni Halfdan, nananahimik lang kami rito.” Pahugas-kamay ni Dainsleif. “Halfdan, kunin mo pa ba ‘yung sabaw? ‘Wag na, akin na lang.”
“S-sige, ‘di naman rin ako kumakain n’yan eh,” sagot ni Halfdan, “sana bukas may tinolang manok, huhu.”
“D’un tayo sa kabila bukas, maaga pala tayo matatapos.” Sabi ni Dainsleif. “Gusto ko ng tiyula itum¹ bukas.”
“Anong meron sa itim na sabaw na gustong gusto mo?!”
“Wala lang, trip ko lang *shrug*”
¹ Tiyula itum: sabaw na itim, specialty ng Tawi-tawi na sikat sa independent cities ng Region 9. Maanghang na sinigang na baka na may maliliit na piraso ng sunog na buko, na nagbibigay ng itim nitong kulay.