Chapter Text
binilisan mo na takbo mo papunta sa sakayan ng mga jeep. at doon, hinintay mo na tumila ang ulan. hindi ka pwedeng mabasa lalo na’t dala mo ang laptop.
ang dami-dami mong dala tapos wala kang payong? at hindi pa tumitingin sa weather forecast.
ayan tuloy, naabutan ng ulan. nag-aabang ng jeep na maluwag-luwag para may kaunting space pa para makahinga ang laptop mo.
sa susunod, sasabihin mo sa sarili mo na magdadala ka na ng payong pero alam na alam mo naman na hinding-hindi mo ‘to matatandaan muli.
ilang minuto na nakalipas, nangangalay na paa mo. kailan ba dadating yung jeep? ba’t parang wala kang nakikita ni isa?
at doon, sa kabilang dulo ng pedestrian lane ay isang lalaking hawak-hawak ang kaniyang payong. paano mo naman hindi mapapansin? matangkad at pogi.
‘may jowa na ‘to,’ naisip mo. hindi na dapat patulan. move on na, kahit na walang pang isang minuto mula nung makita mo siya.
nang nag-red light, palihim mong sinilip kung tatawid ba siya.
‘baka naman inaantay niya girlfriend niya,’
naharangan ang paningin mo ng mga estudyanteng nagmamadali at pauwi na rin. tingin sa kaliwa, sa kanan, sa pagitan ng mag-jowa na humaharang sa pwesto ng lalaki kanina–hindi mo pa rin makita.
bakit ba hindi ka biniyayaan ng tangkad? you take a mental note to wear platform shoes or heels sa susunod.
nang hindi mo na maramdaman ang patak ng ulan sa iyong balat, tumingala ka.
sa gulat mo, dahil may payong, napasigaw ka.
“HA?” tiningnan mo naman ang may hawak.
“hello,” bati niya.
hindi mo namalayan na yung lalaki kanina ay nasa tabi mo na. ‘nakatawid siguro ‘to nung may hinahalungkat ako sa bag,’ your inner voice says.
“ay, hello po,”
“same school,” reply niya agad.
“huh?”
“you say that a lot,”
ano ba naman kasi ang masasabi mo? the man of your dreams is beside you, at pinapayungan ka pa!
“sabi ko, ‘same school’,”
you squinted your eyes and noticed the familiar logo on his blouse.
fuck, same school pala. bakit ‘di mo siya nakikita? lowkey ba siya? ‘di lumalabas ng room or something?
“oh! let me guess, humss?”
“nadali mo,” napatawa siya. hala, natuwa siya sa’yo. nararamdaman mong nahuhulog ka na.
“woman in stem here!” you smile at him.
gusto mo sana pahabain ang usapan niyo, kaso narinig mo na yung sigaw ng tsuper. that’s your cue to go home.
“sorry, i have to go, ito na sasakyan ko,”
“teka lang, your name?”
“sikreto muna ‘yan,” tugon mo at saka sumakay sa jeep.
bago ka nagbayad ay ipinagdasal mo na ligtas kang makakauwi.
at sana’y ipagtagpo kayo sa ibang araw.